دفاعنشر المحامي خالد علي مناشدة على حسابه على فيسبوك طالب فيها السلطات بالافراج عن المواطن أحمد الكفراوي وذلك لظروف مرضه بالسرطان، وكتب علي فى منشوره
أحمد الكفراوي
اتقبض عليه ضمن المواطنين الذين تم القبض عليهم من مدينة السويس فى أحداث ٢٠ سبتمبر ٢٠١٩، والمعروفة إعلامياً باسم تظاهرات محمد على، واللى اتحبسوا احتياطياً على ذمة تحقيقات القضيتين ١٣٣٨ ، ١٤١٣ لسنة ٢٠١٩ حصر أمن دولة، وحصل على إخلاء سبيل، لكن تم تدويرهم والتحقيق معهم وحبسهم احتياطياً وآخرين على ذمة تحقيقات القضية ١٠٥٦ لسنة ٢٠٢٠ ومازالوا محبوسين احتياطياً حتى تاريخه رغم كل المجهودات اللى بيبذلها المحامين والمحاميات اللى بيدافعوا عن كل المتهمين فى القضية.
أحمد ليه ظرف إنسانى وخاص يستدعى سرعة إخلاء سبيله، وزميلتنا المحامية هدى عبد الوهاب بذلت كل مجهود عشانه، وكانت جلسة تجديد حبسه منذ يومين، وللأسف لم يخلى سبيل أحد من القضية.
أحمد الكفراوى عنده ٤٧ سنة، عنده ولد وأربع بنات، وأثناء فترة الحبس ربنا قدر إصابته بمرض السرطان فى عظام الضهر، و أبلغتني زوجته أن أصبح لا يقوى على الحركة، ووزنه انخفض أكثر من النصف، والنهاردة كان فى زيارة للأسر فى سجن الزقازيق ولما خرجوا من الزيارة أبلغتنى زوجته برسالة لى من أحمد الكفراوي:
( عايز أموت وسط عيالى)
أرجو من كل اللى يقدر يساعد أحمد وأسرته، وهو فى هذه الحالة المتأخرة أن يبذل كل مجهود للتخفيف عنه وعنهم وأن يكونوا بجواره، ربنا يشفى كل مريض ويخفف عن الجميع.
بياناته بالكامل للى يقدر يساعد:
أحمد محمود أمين محمود الكفراوى (٤٧)سنة
مودع بسجن الزقازيق
محبوس احتياطى على ذمة تحقيقات القضية ١٠٥٦ لسنة ٢٠٢٠.
خالد علي
اضافة تعليق